Home » Author Archives: Admin (page 20)

Author Archives: Admin

SAWIRRO:Waxaan Guri Wadaagnaa Oo Kula Noolnahay Aabahay Oo Mayd Ah

Badankeen ma jecla in ay ka fikiraan ama ka hadlaaan dhimashada, laakiin waxaa jira dad ka hela.

Gobolka Toraja ee jasiiradda Sulawesi ee dalka Indonesia dadka dhintay waxay qayb ka yihiin nolol maalmeedka caadiga ah.

Digniin: akhristeyaasha qaar waxaa laga yaabaa in ay dhibsadaan qaar ka mid ah sawirrada warbixintan ku jira.

Gurigan alwaaxa ka samaysan ee aysan oolin alaabadu ee dhawrka sawir ka muuqdaan ee codadku ka dhex yeerayaan naxashkuna ka soo carfayo, waxaa ka jira isu imaatin qoys.
“Aabahaa ka waran?” ayuu qof marti ahi yiri, jawigii ayaana si dhakhso ah isu badalay oo qof kaste wuxuu fiiriyay guri yar oo meel gees ah ka dhisan halkaas oo uu yaalo nin duq ah oo saaraan sariir qurux badan.

Mamak Lisa oo ah gabadhiisa ayaana qofkii su’aalay xaaladda aabaheed ugu jawaabtay “wali wuu xannuunsan yahay.”

Mamak oo muusoonaysa ayaa u dhaqaaqday dhanka ninka duqa ah, iyada ii tartiib u gacanqaadaysa ayay tiri “Aabo marti ayaa kuu timid si ay kuu arkaan, waxaan rajaynayaa in aadan dhibsan doonin ama aadan ka xanaaqi doonin.

Waxayna igu martiqaaday in aan soo dhaqaaqo oo aan la kulmo Paulo Cirinda.

Indhahayga ayaa ku dhaygagay sariirta uu saran yahay Paulo Cirinda oon dhaqdhaqaaqaynin xataa indho libiqsiba ha ahaatee, inkastoo ay igu adkayd in aaan indhihiisa ka bogto awkiyaaalaha uu qabo oon tirtirnayn awgeed.

Jidhkiisa waxaa ku yaalay duleelo badan siddii isaga oo cayayaan cunay, inta badan jidhkiisase waxaa saarnaa maryo.

Waxaase layaab igu noqday markii ay soo galeen carruur yaryar oo uu awoow u yahay oo iska ciyaaraya.

Mid ka mid ah oo qoslaya ayaana yiri “awoowgay muxuu markaste u jiifaaa?, mid kii kalana wuxuu kor u yiri “awoowe toos oo kaalay aan wax cunnee!”

Mamak Lisa ayaa markaas tiri awoowe ha dhibina wuu jiifaa ee, “waad ka xanaajin doontaan”.

Arrinta layaabka leh ayaa ah in Paulo Cirinda uu geeriyooday 12 sano ka hor balse ay qoyskiisu u malaynayaan in uu nool yahay.

Fikirka ah in mayd guriga lagu haysato layaab ayay ku tahay dadka aan halkan deganayn, laakiin hal milyan oo ruux oo ku nool gobolka Toraja ee dalka Indonesia waa dhaqan soo jiray qarniyo.  

Daawo-Naxdin”Caasi Waalideen Waalidkiis si xun u garaacay oo Dadku aay ka naxeen

Muuqaal kooban oo si qarsoodi ah looga duubay caasi waalideen Sacuudiyaan ah oo bartamaha wadada Mansoura Islamabad ee magaalada Riyadh labadiisa waalid “aabahiis iyo hooyadiis” si bini’aadanimo ka bax ugu dhex garaacay wadada dhexdeeda.

Qof shacab ah oo duubay muuqaalkaan ayaa la yaabay dhaqan xumida ninkaan uu hooyadiis iyo aabihiis si xun ugu bugeynaayo bud, hooyaduna ay isku dayeyso inay iska difaacdo usha uu ku garaacayo wiilkeeda.

Ma jirto cid usoo gurmaday, hase ahaatee ninkaan dhalinyarada ayaa laga yaabaa inuu mudeysto xukun adag oo caasi waalideenimo.

 Halkaan Ka Daawo Muuqaalka video-ga 

Qoyska: 5- Tilmaan Oo Lamaantaada Kaa Fogeyn Kara Waliba Bur-bur Ku Keeni Kara Dhismaha Gurigaada

Waxa jira arimo badan oo wax yeelaya xariirka qoyska labada lamaane oo ugu dambeyn keeni kara bur -bur ku yimaada dhismaha gurigooda

Waxa ay qeybta arimah qoyska ee Puntilandtimes.com soo qaadaneysaa tilmaamo ay haweeneydda neceb tahay in uu lahaado gacaliyaheeda

1- Gacan Adeyga ( Bakhiilnimo) waa tilmaanta ugu darran ee ay haweeneyda neceb tahay in uu lahaado gacaliyaheeda ,marka laga tago bakhiilnimada maaliaydeed waxaa jira rag lamaanayaashooda ka bakhiila dareemaha galkaceyl iyaad iyo qoyskeedaba waana tilmaan aad u xun

2- Ballan Ka Baxa : si weyn ayay haweeneyda u neceb tahay ninka ballan ka baxa badan ee marnaba aysan ku soo dhaceyn in uu u oofiyo ballamaha gacalisadiisa

3- Hinaasaha Badan : waa ay ku adag tahay haweeneyda in ay la noolaato ninka maseerka badan mar walibana ka shakiya , waxa ayna arintaas haddii ay sii socoto keeneysaa in xariirkii galkaceyl ee qoyska uu bur buro
4- :Kali talisnimo: uma dul qaadato xaaksa ninka kali tailiska ah balse taasi badalkeeda waxa ay haweeneyd baadi goobeysaa nin ixtiraam oo taageera

5- Beenloowga : waxa ay Puntlandtimes.com ku leedahay haweeneyda waa ka carartaa ninka noocaas ee daciifka ah ee ka baqa in xaaskiisa xaqiiqda u sheega , waa mid mar waliba been ku qariya wax waliba oo nolosohiisa ah .

Haddii maqaalkaan aad ka heshay fadlan la sii wadii asxaabtaada Facebook.

FARQI Yaab Leh Oo U Dhaxeeyo Fariimihii Hore Ee Jaceylka Iyo Kuwa Maanta Leysku Qoro…!!

Sida dadki hore is Jeclaa isu Salaami jireen ama Salaamaha isugu qori jireen

1. Ka socoto qof wax jecel. Ku socoto Qof la Jecel yahay
2. Iga gudoon Salaan ka soo go’day Kasha iyo Laabta,
3. Waxaan kugu salaamayaa 114ka Quraanka kariimka ah,
4. Waxaan hawada kuu soo marinayaa Salaan Kalgacal…
5. Iga hano dhambaal caashaq….

Dadka hada is Jecel markay isa Salaamayaan ama Qoraal isu qorayaan

1. From: Naf xanaaqsan. To: Naf laga shakiyay

2. Maxaa kugu dhacay Xalay hadaan balansaneyn? Waxaan ku booqday Cusbitaalka Islaan foolaneysay oo saacado ka dib dhashay! AMA Aroos baan aaday oo Xalay ku maqnaa

3. Hadaan fariin Messenger kuugu soo qoray maxaad iigu jawaabi weyday? Yaad la hadleysay saacado badan? Cidna lama hadleyn. Imtixaan Online ah ayaan ku jiray Jaamacada aan dhigto.
Haye ma sheekadaasaa keentay? Goormaad Jaamacad bilowday? Shalay ayaan bilaabay!

4. Maxaad ii soo wici weyday? Mobile-kaa dabka iga dhacay? Chargerkaa iga gubtay?

5. Maxaad beenta iigu sheegtay, Xalay waxaad igu tiri waa seexanayaa ka dibna Online baad ahayd ilaa aroorti? Haa fb ayaa la iga jabsaday marka aniga iyo Booliska ayaa Baaritaan wadnay, saaka ayaan soo ceshaday!

Kulli waqti Muran

QURXINTA & CADEYNTA WAJIGA:Bal Tijaabi oo Wajiga ku Cadey Bunka

Bunku waxa uu kaalinta labaad kaga jiraa liiska badeecadaha loogu ganacsi badan yahay dunida oo dhan, waxa ka horreeya oo keliya shidaalka, waxa aanay tirokoobyo la sameeyey muujinayaan in qiyaas ah 5 kun oo Bilyan oo koob oo bun ah sannad kasta dunida lagu cabbo. Waxa aanay khubarada ka faallooda caafimaadka cuntadu sheegeen in bunka oo si jogto ah oo aan la isku badin loo cabbaa uu caafimaadka u leeyahay faa’idooyin badan.

Laakiin waxaa cusub in bunku uu faa’idooyin caafimaad u leeyahay maqaarka isla markaana uu caddeeyo, dhalaal dabiici ahna ka dhigo wejiga, haddii lagu dahaadho.

 Qormadan oo aynu soo turjunay waxa ay Al-Carabiya ku eegaysaa qaar ka mid ah faa’idooyinka bunka laga helo marka is-qurxinta loo isticmaalo.

Diifta iyo daalka:

Haddii xaddi ka mid ah dareerayaasha jidhka lagu nadiifiyo, sida saabuunta dareeraha ah, lagu daro in le’eg oo bun ridqan ah, kadibna la mariyo wejiga oo marka hore la sii qooyey, oo si khafiif ah loogu duugo muddo laba daqiiqo ah, oo lagaga maydho biyo diirran oo laga sii dambaysiiyo kuwo qabow, waxa ay si dhaqso ah u kaxaysaa daalka iyo diifta daalku ku reebo wejiga, waxa aanay si dhaqso ah u soo celisaa quruxdii iyo dhalaalkii dabiiciga ahaa ee wejiga.

Caddaynta jidhka:

Koob yar oo caano ah oo aan qaboobayn waxa aad ku walaaqdaa saddex malqacadood oo bun ridqan ah, kadibna iyaga oo cajiin isku noqday wejiga ku dahaadh, oo muddo saacad badhkeed ah ku daa, markaa kadib kaga maydh biyo diirran oo aad ka sii dambaysiiso kuwo qabow. Haddii toddobaad kasta aad 33 jeer sidan yeesho, waxaa hubaal ah in uu maqaarka siinayo faa’idooyin caddayn dabiiciya ah, una soo celinayo midabkiisa dhalaalka dabiiciga ah.

Qolof ridka maqaarka:

Sida aynu nahay malaayiin unugyadad maqaarka wejiga ah ayaa maalin kasta dhinta oo kuwo cusubi beddelaan, unugyadaas dhintay qashin ahaan ayaa ay wejiga ugu baaqdaan oo madow iyo qolaf yarba ugu keenaan haddii aan laga dhilin ama laga qolof ridin. Maydhista, saabuunaha iyo kiriimada la marsadaana waxa ay ka mid yihiin waxyaabaha kaxeeya, laakiin sidii loo baahnaa uma wada tirtiraan.

Laba malqacadood oo kuwa wax lagu cuno ah oo saliid saytuun ah waxa aad ku dartaa maqlacad la mid ah oo ah bun ridqan (Budo ah) iyo malqacad yar oo sonkor ah, kaidbna isku qasas oo cajiin soo baxa mari wejiga,  si dabacsanna ugu xoq, muddo toban daqiiqo ah ku daa, kadkibna kaga tirtir warqadda yar ee softiga ama Kiliinigiska loo yaqaanno, markaa kadibna biyo diirran ku maydh kuwo qabowna mar labaad ku maydho, waxa ay jidhka ka tirtiraysaa hadhaadiga unugyada dhintay ee ku ururay, waxa ay midabkiisa ka dhigaysaa cadaan, waxa aanay ka ilaalinaysaa dabaca iyo cood-coodhka.

Isha Qurbo Magazine

QISO Jaceyl Ah Ugu Danbeyntiina Ku Dhamaatay Qaab Cajiib Ah u Kala Garqaadoo Yaa Qaldan Sadaxdaan…

Maalin Wanaagsan

Saaxiibkii Cali ayuu mar kasta uga sheekeyn jiray xiriirka kala dhaxeeya Gacalisadiisa oo ay 2 sano wada socdeen, wuu u amaani jiray. Mararka qaarkood saddexdooda ama iyagoo Asxaab kale oo ay saaxiibo yihiin ayaa isu raaci jiray inay soo wada casheeyaan ama dalxiis gaaban aadaan.

Cali wax baa galay, wuxuuna ku dhiiraday inuu Saaxiibkii Jaamac ka qaado Gabadhi saaxiibadiis ahayd, uuna guursado.

Jaamac waxaa ka soo haray inuu dhaho waa la i gaaday, Gar baan dhiganayaa iyo cid la aamino ma leh.

Haddaba, yaa qaldan saddexdan Ma:

1. Jaamac oo saaxiibkii uga sheekeeyn jiray xiriirka Gacalisadiisa,

2. Cali oo saaxiibkii qiyaamay, kana guursaday gabadhi ay wada socdeen

3. Gabadha oo Nin dumaashi ahaan loo baray raacday, kii horena u jartay

DAAWO: Dr Xabeeb oo ujawaabay dad ka horyimid guurkiisa & Iyo Qisada Xaaskiisa Sundus..

Dr. Xabeeb oo kamid ah Dhaqaatiirta Soomaaliyeed ee Caanka ah ayaa dhowaan wuxuu magaalada Muqdisho ku Guursaday Gabadh aad u Da’yar, Wuxuuna sheegay inay marwadiisa cusub ay iska Barteen Baraha ay Bulshadu ku Xidhiidho gaar ahaan Facebook.

Laakiin guurkiisa kadib dad badan ayaa bilaabay iney ku xantaan lamaanayaasha iney gaar ahaan Sundus ku raacday Digtoorka lacag, laakiin arintaas ayuu si weyn uga hadlay.

Dhinaca kale wuxuu sheegay inuu Muran iyo Buuq ka dhashay Arooskooda, Iyadoona ay Bulshada qaybaheedu ay Siyaabo kala duwan uga hadleen. WUXUUNA KA HADLAY WUXUU DADKA KALA KULMAY

MURUGO: Gabdho Ka Sheekeeyey Dhacdadii Naxdinta Lahayd Ee Yemen, Qaarkood Oo Lugaha Go’ay!

Qaar kamid ah dadkii ka badbaaday doonidii ay diyaaradaha Isbahaysiga uu hogggaamiyo Sacuudiga ku duqeeyeen biyaha Yemen ka warramay sida ay ku bilaabatay duqeynta iyo guud ahaan wixii dhacay.

Nimco Cabdi, waxay kamid tahay dadkii dhaawacyada xooggan kasoo gaarey duqeyntaan, waxay sheegtay  in markii hore ay Boosaaso ka baxeen, tageen Yemen, kadibna ay sidaasi halkaa uga ambabaxeen.

Markii ay doonida u raaceen dhanka Liibiya, ayeey sheegtay in xilli galab ah ay kusoo dhowaatay diyaarad dagaal, markii hore diyaaraddaasi ma aaney ka baqan oo naaquudayaashii ayeey sheegtay iney u sheegeen kaliya iney sawiraneyso.

Saacad kadib oo diyaaradduu ay dul wareegatay doonida waxa ay ku laabatay Markab ay sheegtay in  markii horeba ay kasoo kacday, balse galabtaa habeenkeedii ay dib usoo laabatay diyaaradda sidaasina ay duqeynta ku bilowday.

“Bacdal casir waxaa inoo timid diyaarad, wey nagu soo dhowaatay, naaquudayaashiidoomnta waxay nagu yiraahdeen diyaaradda wey idiin sawireysaa oo wax ay idiin geysaneyso maleh ee jiifsada,  annaga sidii ayaan sameynnay, muddo Hal saac ah ayeey nagu dul wareeganeysay, kadibna markabkii ayeey ku noqotay, habeenkii mar aan ku qiyaasay 8-dii fiidnimo ayeey nagu soo noqotay waxaan ka war helnay rasaas xooggan oo nalagu bilaabay, madaafiic socota, dadkii waxay noqdeen kuwo dhintay iyo kuwo dhaawacmay, waxa qalbigeyga ka go’i la waxa weeye dadkii aan isla soconnay oo si xun loo laayey,  aniga markiiba lug baa iga go’day, meydkii illaa hadda lama aasin oo in yar baraf ah ayaa lagu shubaa qabiijiyeyaasha lagu ridey” ayeey tiri Nimco.

Nimco oo hadalkeeda sii wadatay ayaa sheegtay iney aad uga xunyihiin in illaa iyo hadda aaney haysan daryeel caafimaad, iyada oo sidoo kale sheegtay in wax laga xumaado ay tahay in illaa iyo hadda madaxweyne Farmaajo aanu arrintaasi kala hadal dadkii lagu tuhmayey iney duqeyntaasi geysteen waa sida ay hadalka u dhigtaye.

Deeqo Maxamed, iyana waxay kamid tahay dadkii ku dhaawacmay duqeyntii diyaaradda dagaal ugeysay doonidii ay la socdeen muwaadiniinta Soomaaliyeed, waxay ka jabtay Labada Lugood, mid kamid ah lugaheeda waxaa hadda looga xirey biro, waxaana ka warantay xaaladeeda iyo waxa ay hadda dareemayso.

“Xanuun baan dareemayaa, annaga qaarkeen waanba hurudnay markii duqeynta nagu dhaceysay, dadka qaar wey go go’een, gabar uur leh markii ay rasaasta ku dhacday Ilmihii ayaa bannaanka ka yimid” ayeey tiri Deeqo.

Deeqa ayaa dhanka kale sheegtay in hadda aysan dooneyn in dalkooda loo soo celiyo, islamarkaana haddii aan wax loo qabaneyn ay ka go’an tahay iney sii maraan wadadii halista badneyd ee naftooda laga soo badbaadiyey.

Dowladda Soomaaliya ayeey sheegtay in weli aaney wax gurmad ah ka hayn, dadkii dhaawacmay ay daryeel xumo hayso, halka kuwii dhintayna weli yihiin kuwo ku jira qaboojiyeyaasha.

Ugu dambeyn Deeqa iyo Nimco waxa ay ugu baaqeen dowladda uu hoggaamiyo Madaxweyne Farmaajo in aysan indhaha ka daboolan shacabka Soomaaliyeed ee ku dhibaateysan Yemen, ayna raadiyaan xuquuqdii ay dadkaasi lahaayeen.

17-kii Marso, 2017 diyaarad dagaal oo kamid ah kuwa Isbahaysiga uu hoggaamiyo Sacuudiga ayaa duqeysay dooni ay saarnaayeen in ka badan 50 qof oo Soomaali ah, taa oo mareysay xeebaha Yemen, waxaana halkaasi ka dhashay khasaare kala duwan.

Haweenay maxkamad loo soo taagay in ay nin kufsatay

Haweenay ku sugan gobolka Ohio ee dalka Maraykanka ayaa lagu soo oogay in ay kufsatay taksiile ka hor inta aysan lacag ka dhicin iyada iyo nin kale oo weheliyay, sida ay booliisku sheegeen.

Brittany Carter oo 23 jir ah ayaa lagu eedeeyay in ay galmo la samaysay darawal 29 jir ah arrintaasina ay dhacday iyadoo uu darawalka mindi cunaha kaga hayo Corey Jackson oo 20 jir ah oo iyada la socday.

Booliiska ayaa sheegay in ay ka dibna ka qaateen darawalkii 32 doolar oo uu watay ka hor inta aysan ka cararin goobta ay arrintaasi ka dhacday oo ku taalla magaalada Findlay.

Booliiska ayaa sheegay in aysan ogayn sababta ay arrintaas u samaysay.

“Maadaama oo ay dhici rabeen waxaa laga yaabaa in ay ka ahayd in ay dareenkiisa jeediyaan” ayuu yi Robert Ring oo booliiska u hadlay.

 

Brittany CarterLahaanshaha sawirkaFACEBOOK
Image captionCarter ayaa la soo qabtay markii uu darawalku dhacdadaas ku wergaliyay booliiska

Taacadigan ayaa dhacay ka dib markii ay Carter u wacatay taksiga shirkadda Trinity Express Cab Service saacadihii hore ee 28 bishii January, sida ay booliisku sheegeen.

Waxaa la soo xiray ka dib markii uu darawalku dhacdadan ku wargaliyay booliiska.

Carter ayaa hadda wajahaysa dacwado ay ka mid yihiin kufsi iyo dhac.

Sanadkii 2016kii ayaa labo jeer lagu eedeeyay in ay daroogo isticmaashay.

Booliisku waxay sheegeen in wali la la’yahay ninkii la socday ee Jackson ahaa sida ay booliisku sheegeen.

Wuxuu isna ku eedaysan yahay in uu ka qaybqaatay kufsi iyo dhac.

Facebook Auto Publish Powered By : XYZScripts.com