Home » Author Archives: Admin (page 79)

Author Archives: Admin

ORAAH MACAAN: Maah maahyo Soomaali oo haweenka la xiriira |

Qormadani Waxa ay ku bilaabatay sidatan :

Af-Soomaaligu, waxa uu leeyahay Maah maahyo xambaarsan murti iyo madadaalo, qaar ka mid ah waa run ka hadal, qaar waa tilmaam, digniin, filasho , halka qaar kale ay yihiin kuwa ku xadgudbaya diinta islaamka iyo dhaqanka sharfan ee Soomaalida.

Marka la eego Maah maahyada ku qotama dumarka, kuwa diinta islaamka , dhaqanka iyo dhowrsanaanta dumarka ku xadgudbaya waxaa ka mid ah :

– Naagi waa balaayo loo baahan yahay. (Tilmaan xun)
– Naag Kun bay koolisaa, kowna way ka guursataa. ( Khayaano iyo mee ka dhac dhowrsanaanta, xishoodka iyo xushmadda lagu yaqaan dumarka)
– Naago ayaa talo mooday? ( waa bahdil iyo liidid talada ay dhiibtaan hablaha oo leh maskax iyo garaad ay wax ku fahmi karaan)

maah

Maah maahyada kale ee dumarka ka xog waramaya waa kuwani hoos ku xusan :

– Naag la’aan waa nolol la’aan.
– Nin rag ahi wax uu ku talo xumaado, guurka ayaa ugu wanaagsan.
– Dumar nin ammaana ayaa leh !
– Sharta dumarka waa dabin Sheydaan.
– Naag waa u samir ama ka samir.
– Naag nin aan u samrin, kama ilmo dhalo !
– Naag fiican miney falaaxowdo waa la furaa.
– Cishe iyo naag xunba waa la dedejiyaa !
– Naag nin qaawiyay ayaa yaqaan !
– Naag nin qaawiyay kama quusato !
– Naag nin bikra jebiyay ma ilowdo !
– Gudo is yaqaan waa isku guuxaan !
– Umul ilowshe dhow !
– Naag ninka ay jeceshahay ayey nacayahow ku tiraahdaa.
– Naagtaada oo kaa warantay waa maradaada oo kaa warantay !
– Naagi yaraan ma gasho !
– Naagi yaraan guur kuma leh, ragna yaraan ficil kuma leh.
– Naagta gaarida ah gurigeeda ayaa laga gartaa.
– Naagi nin aanay rabin laguma karo, nin ay rabtana lagama karo !
– Naagi waa sida miro geed saaran !
– Naago hoosiis bay hadh moodaan.
– Naagta ninkeeda diiddaa, nin kale ayey hoosta ka wadataa !
– Naago rag waa u wada ciidan, geelna waa u wada caano.
– Naago badhaadhahooda ayey ka sheekeeyaan.
– Naagi waa caruur cag weyn !
– Dumar iyo caruur laysma ciyaar baro !
– Haween “ku diiday” loogama haro.
– Dumar iyo caruuriba “ma hayo” ma yaqaannaan.
– Naag feer qalloocan baa laga abuuray.
– Naago ninkii xariir u gogla, xanan bay u goglaan !

Hal qabsi khaldan oo liida dumarka oo ragga Soomaaliyeed ku hadaaqaan si ku talagal ah ama aan ku talagal aheyn, waxaana ka mid ah:

Nin ayaa madal ka khudbeynaya, waxa uu ku hadal qabsanayaa hadal ama sheeko dhacday ama mala’awaal ah oo dumar la xiriirta, isaga oo ka raali gelinaya ragga gogosha fadhiya sheekada ama oraahda dumar ee uu xigasho ama xog ahaan u adeegsaday ayaa waxa uu leeyahay “ rag loogama sheekeeyee wax ay dumar ku maah maahdee !” waa bahdil nooca ugu xun ee bani’aadam isku faquuqo dhexdiisa .

Ragga iyo Dumarka yaa u sabab ah guul darada jaceylka? –

Xubbiga dadku sheegto.. xayska da’aayiyo.. Xareed Xiiso loo cabo maaha… Xirsi xijab la xirtoo lagu Xoroobo maaha.. imisaa ku xakaartay.. oo Xandho iyo Xoolo gafeen.. Imisaa ku xujoobay.. Xishoodkii ka tagoo wadooyinkaa iska Xooran.. oo Xayaatadii ka Xumaatay..

Toloow yaa keena Xumaanta oo xidid siiba Jaceylka ? ma ragga mise dumarka?

Fiiro gaar ah ( FG) : Warbixintan waxa ay u gaar tahay LAMAANE.NET

Carruurta kusoo ciyaarta banaanka oo ka indho wanaagsan kuwa guryaha lagu hayo (Warbixin)

WD Yusuf Shuqale Hassan

 yhamari@gmail.com

Carruurta ayay qasab tahay in lagu dhiirrigeliyo iney dibadda guriga ku soo ciyaaraan si ay uga gaashaantaan aragga indhahooda oo yaraada.

Xaaladda aragti ee ugu daran oo loo yaqaano Myopia ayaa ayadu sababta in waxyaabaha fog fog ay u muuqdaan kuwo cawiran “Blurred” , halka waxyaabaha kugu dhowna aad u arki kartid si waadax ah, laakin tani, waa Myopia’e, waxey kugu hoggaamineysaa indho la’aan.

Inkastoo kiisaska Myopia ay awalba sarreeyeen ayaa hadana qabiir indhaha ku taqasustay oo Australian ah waxey ka digeysaa iney dhaqsa u kordheyso cabsida laga qabo Myopia.

Cilmi baaris ayaa muujineysa in Myopia ku badaneyso dalalka ay ka jirto nidaamka waxbarashada deg degga ah “Intensive Education Regime” kuwaaso carruurta ku qasba iney waqti badan ku bixiyaan joogitaanka guriga.

Prof. Kathryn Rose oo madax ka ah qeybta Orthopedics ee University Of Technology Sydney, ayaa tiri “Waxaanu ogaaneynaa inuu koritaan sare oo Myopia ah jiro, taaso dhibaato weyn nagu keeneysa”

Waxey sidoo kale sheegtay in qodobo xagga deegaanka quseeya ay door weyn ku leeyihiin kobcitaanka Myopia.

“Wey caddahay in arrimo xagga deegaanka ah ay xowli u yeelayaan Myopia, maxaa yeelay baahsanaanta koritaanka ee waddamada qaar ay cirka isku shareertay muddoo tobaneeyo sano ah” ayey tiri Prof. Rose.

“Inkastoo dadku u malayn jireen in Myopia ay tahay Hiddo, laakin haatan waa waadax iney aad u kordheyso, sidaa darteed ma dhihi karo waa wax la iska dhaxlo laakin waxaanu dhihi karnaa waxaa jira qodobo xagga deegaanka ah”.

Waddamada waxbarashada u qiimeeya sida deg degta ah ee carruuta aan inta badan siinin fursad ay bannaanka ku qaataan, ayaa iminka kaalimaha hore kaga jira kuwa helay Myopia, sida ay sheegtay Rose.

Warbixin dhowaan isbar-bardhig ku sameysay ilmaha Chineseka ee ku nool Australia iyo kuwa ku nool Singabore ayaa lagu ogaaday in carruurta Chineseka ee Australia ay ka hooseeyaan heerka cudurada indhaha marka loo eego kuwa ku nool Singabore.

Carruurta Chineseka ee Sydney ku nool ayaa ah 3% kuwa qaba Myopia halka kuwa Singabore ku noolna ay qabaan 29%.

Australia carruurta Chineseka ah ayaa toddobaadkii waxey dibadda ku soo qaataan 13 saacadood, halka kuwa Singabore ay 3 saac oo qura ay dibadda ku qaataan.

“Myopia wax shaqo ah kuma laha Jinsiga qofka ee waa wax la socda qaab nololeedkaada.” Ayey Prof. Rose sheegtay.

Fallaaraha ama waxyaabaha la arkayo ayaa intii ku dhici lahaayeen qeybta dambe Nudaha Iftiinka dareema ee loo yaqaano Retina, waxey ku dhacayaan qeybta hore ee Retina taaso ka dhigeysa in waxii la arki lahaa ay cawir yeeshaan “Blurred”.

Waddanka Australi ayaa 20% dadku qabaan Myopia, UK mid ka mid ah saddexdii qofba waa uu aragti gaaban yahay halka Ameerika ay 24% saameysay shacabka.

Dunida kale, sida Bariga Asia aad bey qubaradu uga digayaan oo wey ku badan tahay.

Wargeyska Nature ayaa sheegay dhalinyarada dalka China ee ka yar 20ka sano ay 90% aragtidoodu gaaban tahay, ayadoo 60 sano ka hor dalkaas China ay ahaayeen 10-20 boqolkiiba dadka aragtida gaaban dhamaan dalka oo dhan.

Sidoo kale qiyaas la sameeyey ayaa sheegeysa in dunida oo dhan saddex meelood hal meel (1/3) ay qabi doonaan Myopia dhamaadka sanadka 2019ka.

Padmaja Sankaridurg oo ah madaxa barnaamijka Myopia ee mac-hadka Brien Holden Vision Institute ee magaalada Sydney ayaa isagu ku dooday “Waxaanu iminka ciriiri gelineynaa waddadii ay mari lahayd Myopia.”

Laakiin Prof. Rose ayaa ka digtay in macluumaadka la heli karo ay aad u xaddidan tahay loona baahan yahay in baaritaanka la sii wado.

“In badan oo ka mid ah tani waa wax aan rasmi aheyn, waxeyna ka imaaneysaa dhaqaatiirta indhaha oo ayagu aad ay u quseyso koritaankan Myopia ee carruurta yar yar”

“Waxaanu ku talineynaa in carruurta ay da’doodu ka hooseyso lix sano jir ay qasab tahay iney bannaanka guriga ku soo qaataan 10 saacadood toddobaadkii taasoo ka caawineysa iney ka hortagaan Myopia” ayay ku soo gabagabeysay Prof. Kathryn Rose.

DHAMAAD

9 Nin Oo Fiican Inaad Shukaansigooda Ka Fogaatid Gabaryahayshukaansidating Love » Dating

Dabaceeda waa mid qaaliya, nimanka aan idin soo xulnay ayaa iska leh dabeecad aad u qalfsan.

1. Iga Daba qaad nin ah.

Ninka aan waxba kugu caawin aadna dareentid inaad u shaqeysid. Waa ninka jecel in asaga la dhowro oo had iyo goor laga wasaqdiisa la nadiifiyo sidi ilmo laba jir ah.

2. Nin Lacag Jecel.
Nin had iyo goor kugula xisaabtama lacagta oo bakhiilka ah. Noloshiina waxaad ku qaadani inaad intaas ku murantaan dukaamada dhexdooda.

3. Cashadu waa maxay nin ah.
Nin doonaya inuusan jikada far ka fidin oo intaas raba cuntada iney diyaar u tahay miiskana loo soo saaro. Kawaran hadaad xanuunsatid ma kula tahay inuu shaah ku keeni karo.

4. Ninka Maalmaha hore Jaceylka uga egyahay
Ninka inta aad is baraneysaan jaceylka uga egyahay, oo kabacdi caajisnimo lasoo baxa iyo inuusan wax jaceyl ah ku tusin. Kasoo kale ayaa fiican in laga fogaado sababto ah 2 sano kabacdi dhagax ayuu isku badali oo ujeedadiisa waxay tahay naagey naag ma tahay.

5. Iga Bixi Biilka.
Nin maalmaha iskugu kiin horeysa ku weydista lacag ama cashada ka dalbada inaad ka bixisid, ka fogow kaas. Cashaan hadey saas ku bilaabato ogow waligeed saas ayey ahaani oo adiga ayaa wax kaste ka masuul noqonaya inaad bixisid. Nin waxa loo guursada inuu ku hogaamiyo ma ahan inaad adi xariga u qabatid.

6. Nin Ficil la’aan ah.
Nin wax kaste afka ka dhaha inuu ku samenaayo balse aan ficil laheyn. Wuxu ogaaday in gabadhaha hadalka la maqashiiyo oo kaliya aanan ficil la raacin.

7. 30-jiraa walina Hooyo lacagta telefoonka gacanta iga bixiso.
Nin hooyadiis wali gacanta ku heeso waligiis ma isku filnaanayo. Dabcan ma rabtid sodohdaada oo hadhow amarka gurigaga sameyn ku yeelata. Waa in ninku hooyadiis ka madax banaanyahay.

8. Nin mara ku dhag ah.
Nin xukun badan oo xata jecel in laga amar qaato hadaad musqusha galeysid. Halkee jirte iyo cadeyn keen nin intaas ka raba, ka carar.

9. Asxaabtada ma jecli.
Nin neceb asxaabtada, ogow saaxiib noloshada waad u baahantahay oo ha noqon mid asxabteeda u goysa ninka daradiis. Hadhow guriga kali ayaad ku noqon marku asaga asxaabtiisa aado.

3 Waxyaabood Oo Ilkahaga U Daran Iyo Sida Looga Hortago

Ilkaha ayaa ah quruxda qosolkaga, hadaba waa ay haboontahay in caadaantood iyo caafimaadkooda la dhowro

Close-up of patient’s open mouth before oral checkup with mirror near by

Close-up of patient’s open mouth before oral checkup with mirror near by

1. Cabitaanka Warshadeysan

Cabitaanka dhalooyinka ku jira ama casiirka qasan ayaa sokor aad u badan iska leh kasoo marmar ka sokor badan soda-da sida pepsi. Cabitaankisa ayaa wax saas ah uga sahlaneyn adoo shukulaato ku luqluqda.

Xalka: Waxad ku caabtaa tuubada cabitaanka ‘Straw’ oo cabitaanku yuusan taaban ilkahaga dhuuntaada toos ha u maro. Waxaad sugta mudo dhan 45-daqiiqo markaad cabtid kabacdi markas iska caday ilkaha. Sababtoo ah aashitada ku jirta cabitaanka ayaa jilciyay korka ilkaha.

2. Miraha la Qalajiyay (Dried Fruit)
Miraha ama khudaarta la qalajiyay ayaa u daran ilkaha ayagoo ku beera dhagdhag kasoo sokorta soo jiita wasakh badana ilkaha ku beera. Inkastoo khudaarta qeybteyd ilkaha u fiicanyihin ma aysan u fiicana markii la qalajiyo.

Xalka: Si fiican iskaga caday ilkaha adoo dhagdhaga mirahaas wataan ka nadiifinaya isla markiiba.

3. Vitamins oo la calashado
Vitamins-ka nooca la calashado oo gummy vitamins loo yaqaan ayaa ayana sababa dhagdhag sida miraha la qalajiyay kasoo waxyaabo adag ‘Gingivitis’ ku beera dhinacyada ilkaha hadii aan laga nadiifin.

Xalka: Vitamin-kaga nooca kaniinka caadiga ah u badallo, inkastoo uu qaraaryahay balse waxaad ka baqaneysa booqashada dhakhtarkaga ilkaha.

 

Hadaa ka heshay qormadaan, fadlan la qeybso asxaabtada.

Qormo Cajiib Ah Oo Aan Ku Baran Doono Barbaarinta Iyo Jacaylka Caruurta.

Rasuulka Allah (scw)  waxa uu ahaa mid caruurta   u naxariisto, oo jecel.  Saxaabiga Abaa Hureyra (rc) waxa uu wariyay in Rasuulka (scw) uu dhunkaday Xasan Ibna Cali  ( wiilka uu awoowga u ahaa ) (rc) waxaana la joogay Al-Aqrac Bin Xaabis (rc) oo reer Tamiim ahaa,  Aqrac waxuu yidhi: “ waxaan dhalay toban caruur  ah waligey midkoodna maan dhunkan, Nabigu (scw) intuu xaggiisa eegay ayuu yidhi: ”Qofkaan naxariisan looma naxariisto”.

Rasuulka (scw)  waxaa u yimi dad ka yimi  miyiga waxay  weydiiyeen inay caruurtooda dhunkadaan Rasuulka Allah (scw)  wuxu ku yidhi: “ Haa”  waxay  yidhaahdeen laakiin anagu ilaahaybaan ku dhaaranee ma dhunkanno, Nabiga wuxu yidhi: ” Maxaan idiin qaban karaa haddii ilaahay qalbigiina  naxariista ka siibay”.

Mucawiya waxa uu odhan jiray  : “ ninkii dhalay  ilmo ha ula dhaqmo inta garaadkiisu leeg yahay”.

TOP-Cunto Raga & Dumarka Ka Saacideysay Koriinada TIMAHA

Shaambada iyo jilcisdada (conditioner) dhinac iska dhag. Cuntada aad qaadatid ayaa dheef (protien) u noqonta timahaaga, taasoo korniimo iyo timo caafimaad qabta ku siisa. Hadeysan timahaagu helin dheef ku filan waxey u baxayaan si tartiib ayagoon xoog iyo mug weyna yeelaneyn.

Dhakhaatirta ayaa sheega in cuntada hoos ku xusan ayee si wanaagsan timahaga u badali karaan. Hadaa aad ku dartid cuntadada cuntooyinka hoos ku xusan oo aad si nidaamsan u qaadatid waqti yar ayaad ku arki doonta hormar ku imaada timahaaga.

somali-hair

Hilib Gaduud: Birta cuntada (iron) laga helo oo ku yaraato waxey kugu sababtaa iney bidaar ku keento ama timaha kaa rifmaan, sida baaritaan ay sameeyeen Cleaveland Clinic. Hadaba adoo iron qaata waxey timahaga ku caawisa iney baxaan. Dadka timaha ka dhacaan ayaa badankood ku yartahay birta ‘Iron Deficienct’. Hilibka gaduudka/cas ayaa laga helaa madaada iron.

Ukunta: Waxa ku jiraa Vitamin B kasoo kor u qaada koriimada timaha iyo caafimaadka lafta madaxa. La’aanta vitamin-kan ayaa sababa in timahaga tabar beelan oo kaa dadatan, tasoo aad aragtid markaad shaleysaneysid ama quweysaneysid ay timo badan kaa daatan. Waxa aad ka heli oo kale malayga, afakaadho, looska, iyo qamiirka.

Moos, qamadiga, iyo sareenka: Cuntadan ayaa laga helaa macdanta la dhaho ‘silica’, taasoo hormarisa dhumucda timaha. Adoo xooga saara cunida cuntada qaniga ku ah macdantan ayey timahaaga ku caawin doonta iney xoog iyo dhumuc wanagasan oo joogta ah yeeshaan.

Caleemaha cagaarka badan: Caleemaha cagaaran sida koostada ‘spinach’, borokoli ‘brocolli’ ayaa laga lehaa vitamin-yada A iyo C kuwaaso abuura ‘sebum’ waa saliid ku beeranta lafta madaxa tasoo jilciso (conditioner) dabiici ah ah.

Bocor: bocorka jaalaha ayaa alga helaa macdanta zinc tasoo dhalisa androgens: waa hormono la’aantood ay la xiriirto timaha oo kaa daata. Sidoo kale dadka ay ku yaryihin androgens ay lasoo daristo timaha aan u bixin iyo holobta ‘dandruff’. Zinc ayaa laga helaa sidoo kale cuntada bada iyo buunshada sareenka.

Baradho macaan: baradhada aya ka buuxda beta-carotene tasoo jirkaga u badalo vitamin A, waxeyna nafaqo u tahay timaha iyo jirka. Vitamin A ayaa timaha ka difaaca iney ka xumadan jirkana qaleylka ka difaaca.

Digniin:
Cuntadan qeybtood ayaa laga yaaba inaad xasaasiyad ku qabtid ama ay kuu keenan cuduro hadaad iska badisid. Hadaba si asaaboon u qaado lana tasho dhakhtarkaga hadey ku keenan caafimaad daro aadan isku arki jirin.

UGAAR AH DUMARKA:”Ma isu diyaarisaa wakhtigaaga caadada (dhiiga)

Waxaa wax aan laga maarmin ah in gabdhu ay markasta diyaar u tahay isoona sii diyaariso wakhtiga ay u imanayso caadadu. Sida aad isoogu sii diyaariso marka saaxiibadaa ay kusoo booqanayso ama qof muhiim ahi, waxaa kasii muhiimsan in aad diyaar usii tahay 5-7 maalmood ee ay kuu imanayso martida ugu wanaagsan ee kusoo booqata bilkasta maalmo kamida. Caadadu waa shayga aadka muhiimka ugu ah dumarnimadaada, hadaba ma isu sii diyaarisaa maalmahaa qaaliga ah, mise waxaad tahay habalaha uu kusoo gaadho si filan waa ah iyagoo suuqa dhex jooga. J

Waxaa lagama maarmaan ah inaad si ay tahayba aad diyaar usii tahay maalmahan hadii aad joogto magaalo ama tuulaba. Sidan hoos ka muuqata ayaa ah siyaabaha ay isoogu diyaariyaan gabdhaha qiimeeya maalmahani.

  1. Hadii aad haysato mobilka casriga ah soo rogo app, waxaa jira kuwo aad u badan oo bilaasha oo kuu sheegaya wakhtiga ay kuu soo socoto caadadu, kuna xasuusinaya maalmaha kala duwan iwm. screen_shot_2015-06-16_at_9_50_35_am
  2. Waxaa hubaala in gabadhkastaa ay leedahay boorso (shandad) ay ku xaragooto, haba qiimo yaraatee. Maxaa kuu diidaya markaa in boorsadaada aad ku sidatid markasta qalabkaaga, si aad uga dheeraato filan waaga joogtada ah. enhanced-2474-1456415747-1
  3. Muhiim maaha in qofkasta oo guriga kugula nool inuu ku ogaado maalmahaagan khaaska ah, hadii aad tahay hablaha cusub ogow in aad ka dhigato maalamahan kuwo adiga kuu khaasa. Waxaa jira dadka qaar inay ka wiswisaan gabadhu marka ay caadada qabto, iyadooyna fiicnayn sidani, hadana ha u siin fursad cidna inay ogaadaan meesha aad dhigto iyo meesha aad ku rido tamponka marka aad iska badasho. Wastebasket-225x300
  4. Wax ka baro oo isu sii diyaari xaaladaha aad marayso wakhtiga caadad iyo ka horba. PMS waa arin nafsaaniya oo ay galaan dumarku marka ay caadadu usoo dhawdahay hadaba wax ka akhriso si aad u barato naftaada. s-l300
  5. Hadii ayna dantu kuu saamixin waxa aan hore usoo sheegay, isku day inaad qorto maalinta ay caadadu kugu dhacaday si aad usii ogaato goorta ay kugu soo dhowdahay.

Gabadhaan 40 KG oo Cayil ah Ayeey iska riday Waqti yar “Maxeey Cuntay Ama Sameysay”

Gabadha Khloé Kardashian ayaa saxaafada la qeybsatay sidey iskaga dhintay culeys dhan 40LB (20KG) mudo gaaban. 31-jirka ayaa sheegtay iney iska dhaaftay quudashada cuntada caanaha laga sameeyo sidoo kalena waqti fiican siisay jimicsiga joogtada ah iyo aadista gym-ka.

Hadaba waxa inii soo helnay cuntada ay cuni jirtay maalin kasta.

 

egg-oatmeal-660
Quraac

Fananada ayaa sheegtay iney ku bilowdo malinteeda quraac fudud, ayadoo had iyo goor cunta ukun iyo boorash/mushaari subaxdi.

 

salad-660
Qado

Khloe ayaa tiri haadaad daawatid barnaamijka Keeping Up with Kardashians waxaad arkeysa aniga iyo walaalahay oo intaas salad cuneyna. Hadaba qadadeyda waxaan ku ekeysiiya anigo cuna qudaarta ansalatada cagaaran.

 

shake-435
Cunto Fudud (Kusii sug)

Waxa intaas ku dirtay iney cunto fudud cunto ayadoo cabta furuto la shiiday (shakes), markey gym-ka kasoo noqotana ay cabitaan protien ahaa sameysato.

 

chicken-rice-660
Casho

Waxaan ku casheeya, dooro/chicken, khudaar, baradho macaan, iyo bariis. Ma cuni baasto rooti/roodhi ma u dhawaadi.

 


Cuntadee iska jartay?

Waxaan iska jaray cuntada banaanka oo saliida badan iyo caanaha wixi laga sameeyo sida bur’cad.

 

Bahda Qalanjo

Ku Sabrida Mustaqbalka Ubadka Imisa Qoys oo Soomaali Ah ayaa Ku Dhisan??!!

SAQIIRADAAN DHALNAAAN KUGU SABRAYAA!!

Sida caadiga ah reerku had iyo jeer tiirarkiisu waxaa xajiya ama liica u diida labada is qabta ee dunida iska doorday mid uun, macquul maaha labadooduba iney ilaalinayaan ama ay adkeenayaan tiirarka aqalkooda mid baa ku samraya oo u dulqaadanaya xaalad kasta oo ka soo food-saarta qofka uu la nool yahay.

Haddaba, qormadan waxaa igu dhaliyey inaan qalinka u qaato qiso dhab ah oo aan arkay dareemayna xanuunkeeda markii si dareen leh la iigu wariyey.

Ragga iyo dumarku isku dareen maaha Alle yaana sidaa u abuuray, kolka raggu ay qarsan karaan dareenkooda ama dhibtooda dumarku ma qarin karaan inta ina rag oo qarin karo oo kale, balse waxa ay nafisaan kolka ay ilmo dhabankooda soo dhaafto oo ay in cabbaar ah ooyaan dhibtii xoogeediina ay halkaa ku illaawaan nafisna dareemaan.

Labada is qaba mid baa dheeliga u diida dhismaha qoyskooda, isagu shalay markii uu ku jiray xaaladda Xodxodashada (Haasaawaha) wuxuu ahaa mid u heelan iyada, tusana kalgaceyl iyo naxariis tii u dambeysay waa intuu karo’e iyaduna naxariistaas iyo kalgacalkaas faraha badan inta ay madax maraan ayey garan weydaa cidda ay tahay iskuna dhiibtaa isaga isna dhahdaa kani waa midkii aad ku Alle baryi jirtay noloshana la qeybsigeeda isaga mooyee cid kale kuma qurux badna.

Wuxuu xaal sidaa ahaadaba Xodxodoshadiina ay halkeedii ka sii socotana wuxuu ka dhameenayaa inuu guursado iyada, isagoo waxba gacanta ku heyn balse damaciisu uu yahay reerka uu ka dhashay inuu dhex keeno, waxaase murug ku ah isaga sida uu inantani u doonan lahaa ileen waxba faraha kuma hayee wuxuu isku dayey inuu ka dhaadhiciyo in uu Meher-Xado (Qudbo-sirro) nasiib wanaagse iyadoo kaashaneysa tacliinteda kalsoonina ka heysta waalidkeeda ka diiday waxa uu ula yimid uguna bishaareysay keliya in uu waalidkeed u yimaad lana xumeyn dooninna.

La’is guursay guri la wada tag oo aysan ku qarsoomi karin qofiba xaaladiisa dhabta ah kolnaba, kalgaceylkii iyo naxariistii uu u muujin jiray bilo uun kaddib galbadeen wejigiisi dhabta ahaa bannaanka yimid. Iyadu waxa ay filaneesay kolba hadduu naxariis xad dhaaf ah ugu muujiyey bannaanka kolka ay ooridiisa xalaasha ah noqoto mid ka sii saa’idsan taa inuu u muujin doonno aysan nusqaan jiri doonin balse taa badalkeedii xanuun iyo diif joogto ah ayey deris la noqotay.

Waxey habeen weliba ciil iyo caloolyow la hooyataba wuxuu Alle ugu deeqay oo siiyey ubad ay ku indho-qabowsato dhibtana ay ku ilowdo balse isagu waa sidiisi is bedel kama muuqdo.

Waxa ay u dulqaaadataa oo ay ku samirtaaa xaalad ay haweenku qariib ku tahay agtooda iney ku samraan oo ah inuu telefonka kala haasawayo dumar kale kolka ay aragto dagaal ma siiso buuqna kuma kiciso halkaas ileen waa ay jeceshahay isaga ficiladaasina la qabsatay iyo weliba iyadoo diideysa dhexdooda xaaladda ah iney dibadda u gudubto oo ay derisku ku soo baxaan dheg-xumo iyo ceebna ay halkaa ka raacdo iyaga, balse isagu aanu dareemeyn xaalka ooridiisa balse hoosta ay ka ooysaa muraayadii qalbigeediina ay halkaa ku jabto. Caku Xanuun badanaa!!

Waxa ay doorbiday iyada in ay cataawga, murugada iyo uur ku taaladaba in ay la deristo oo ay ku samirto inta ay Ubadkeedu aafo nololeed ay soo wajihi laheyd oo waxa ay diideysaa ubadkeedu in ay dheeli-tir la’aan ay koraan oo waxa ay dooneysaa Aabbe iyo Hooyo wadajira dhexdooda ay ku koraan ileen isku mid ma aha carruurta waalidkoodu kala tagay iyo kuwa ku soo dhex koray waalidkooda tiiyo jirto ayey haddane dheg-xumada ah Reerkii wuu burburay ayey diideysaa oo way kala tageen labadii in ay dhahaan bulshada ku xeeran iyaga balse isagu halkaa fog ay ka fikireyso iyada uma muuqato isaga oo ma dareemo si kasto ay dhegta wax ugu sheegto iyadoo aheyd in isagii Ragga ahaa inuu sidaas sameeyo balse ma ay dhicin taa ileen Alle baa qadaray iyadu iney noqotaa tii dheeliga u diideysay reerka waxaase intaa u dheer daneyn, xaqdhowr iyo qadarin la’aan intaba oo isaga dhankiisa kaga imaaneysay iyadoo la moodaba inaaney aheyn Ooridiisii xalaasha aheyd ee ubadkan quruxda badan u dhashay.

Gunaandka qisada, waxaa hubanti ah midka ku sabra dhib kasta iyo xaalad kasta oo ka soo wajahda lammaanahiisa nolosha inuu Alle badiilkeeda siinayo isagoo ugu sabraya waxa aan macsi Alle aheyn, maxaa yeelay waxa aad dooneyso ayaa ah Gurigan Muslimka ah inuusan burburin oo sii jiro siina taagnaado Islaamkuna waxa uu boorinayo dhiiri-gelinayana ay taa tahay.

Xanuun hadduuba jiraba xanuunkiisa soo martay balse sidaa ugu soo samirtay uguna soo adkeysatay ugu sii samir kol aan dheereyn Raxmadda Alle wa ay kuu hoori doontaaye waadna nimceysan doontaaye laga yaabana qalbigiisa in uu Alle garowshiiyo kuu gelsho uuna garto xanuunka uu kugu hayo kii uu ku qalbigaaga ku xasili jirayna ku soo noqdo IDDIN ALLE.

“DAGAALKAADEY QARISAA QALBIGOO DIKAAMAYEE DUUDUUB XUMO U LIQDAA.”

WQ: Mahdi Mohamud Abdi

Daanda909@gmail.com

Facebook Auto Publish Powered By : XYZScripts.com