Home » DIINTA

DIINTA

Sidi roon Rabaa og! Qiso Gaaban Oo Ka Turjumeyso Dhibaatada Nolosha Maanta…

Nin Dooni yar ku kalluumeysan jiray ayaa wuxuu ka caban jiray shaqada uu hayo oo uu dakhli yar ka heli jiray, mar kasta wuxuu ku ducaysan jiray in Alle wax ka kheyr badan ugu bedelo. Maalin ayaa dabeyl xoog leh ku dhufatay oo ka baabi’isay doonti yareyd, isagina wuxuu ku go’doomay jasiirad cidla ah.

Maalin kasta Alle ayuu baryayay in meeshan uu ka badbaadiyo. Cidna uma iman si uu uga baxsadana wuu waayay. Wuxuu soo ururiyay wixi uu heli karay kuna dhistay mudul yar uu dhaxanta ka galo.

Galab isagoo ka soo noqday ugaarsi ayuu arkay buulkiisi oo gubanaya, dhamaan wixi uu urursaday oo ugu keydsanaana ay ku gubteen! Aad buu u naxay, wuu carooday, gacmaha ayuu kor u taagay isagoo leh, “Ilaahow maxaan sameyay waxan iigu dhacayaan? Goorma dhibta ka baxayaa?

Wuu suuxay, wuxuna ku toosay isagoo markab dul saaran. Wuxuu weydiiyay Kabtanki Markabka sida ay ku heleen? Kabtanki ayaa ugu jawaabay, “Annagoo badweynta mareyna ayaan Qiiq badan aragnay, waxaan go’aansanay in aan eegno, sidaas ayaana kugu helnay! haddii aynaan qiiqa dabkaa arki lahayn ma soo leexanayn kumana helneen”

Marki ninki Xaalkiisa uga waramay una sheegay in uu weligii bada ka shaqeysan jiray Xirfada keliya uu yaqaana ay Bada tahay, waxay shaqo mushahar fiican leh ka siiyeen Markabka, wuxuuna sidaa ku bilaabay nolol cusub.

Nolosha waxaa kugu dhacaya dhibaato badan balse xusuuso wax aad u aragto musiibo ayaa dhici karta inay kheyr kuu tahay.

Alle ayaan barinaa, waxaan weydiisanaa isbedel laakiin marki imtixaan yar nala mariyo ma lihin adkeysi iyo dulqaad.

Alle SWT wuxuu Quraanka ku yiri, Waxaa laga yaabaa inaad nacdaan wax isagoo kheyr idiin ah, waxaana laga yaabaa inaad jeclaataan wax isagoo shar idiin ah, Eebaa wax og idinkuse ma ogidiin.

Share – sii faafi

VIDEO:Diinta islaamka Maxey Ka Qabtaa in Ninka Xaaskiisa uu Naasaha Ka Nuugo(Ka Jaqo) & Sh Umul oo…

Diinta islaamka Maxey Ka Qabtaa in Ninka Xaaskiisa uu Naasaha Ka Nuugo(Ka Jaqo) Asaga oo Raaxo ka raadina ama aay adayada ka raadineyso istimtaac ama raaxo.

Mudooyinkaan dambe waxa isi soo tarayay in dhalinyarad dambe aay aad ugu badan yihiin in aay xaasaskooda kaga raxeeyaan xubinta Naaska ayaga oo afgooda la aadaya oo nuugaya ama jaqaya arinkaasi oo aad loogu wareeray ayaa wax laag weydiiyay culimadii soomaaliyeed.

Sh maxamed cabdi umul ayaa arinkaasi ka jawaabay oo sifiican oo faah faahsan u sharaxaya in aay banaantahay iyo in kale.

 

Fadliga 10-ka Dambe ee Bisha Ramadaan

Waxaa bilaw ah 10-kii u dambeeyay ee Ramadaan, iyadoo maalmaha tobanka ah ee u dambeeya Ramadan ay yihiin kuwo fadligeeda laga gaar yeelay bisha inteeda kale. Sida ku xusan axaadiithka ka sugan Nebiga nabadgeliyo iyo naxariis korkiisa ha ahaatee, waxuu ahaa mid guntiga dhiisha isaga dhiga 10-ka dambe ee Ramadaanta, waxaanu ku dedaali jiray dhammaan acmaasha saalixa ah oo dhan, sida Qur’aan akhriska, salaada, sadaqada, dikriga iyo ducadaba.

Tobanka dambe ee Ramadaan waa kan la inoogu sheegay inuu ku jiro, habeen ka qiimo badan 1000 bilood oo u dhiganta 83 sano oo aad cibaado iyo camal suuban soo waday. Sidaa awgeed habeen ka qiimo badan oo qofka cumrigiisa soo mara ma jiro.

Nebiga nabad geliyo iyo naxariis korkiisa ha ahaatee, kheyrka 10-ka dambe ee Ramadaan iskuma koobin jirin naftiisa oo qudha inuu ugu dedaalo, laakiin waxuu sidoo kale toosin jiray ehelkiisa, kuna dhiirigelin jiray kheyrka iyo cibaadada inay laban laabaan.

Taasina waxay ku tusaysaa in muuminka caaqilka ah keligii isku koobayn inuu dedaalka la yimaado, laakiin waxaa laynaga rabaa in qof waliba ehelkiisa iyo dhammaan qaraabadiisa iyo cid kasta oo xaq ku leh , dareensiiyo oo ku dhiirigeliyo kheyrka iyo camalka 10-ka dambe ee Ramadaan.

Qofka aan u dedaalin 10-ka dambe ee Ramadaan, waxa uu runtii iska xarrimayaa kheyr badan, iyo fursad qiimo badan oo aanu dammaanad u haysan inuu mar kale soo mari doonto. Inkastoo dadka badankiisu iska daciifaan dhammaadka Ramadaanka,haddana 10-ka dambe waa miidaanka ama garoonka lagu kala hadho, waxaana ku faro adayga inta iimaankoodu sarreeyo, kuwaasoo dareemaya mar walba qiimaha fursadaasi leedahay.

Sidoo kale waxaa ku sugan sunnada Nebigeena naxariis iyo nabad geliyo korkiisa ha ahaatee, in 10-ka dambe ee Ramadaan uu ku negaan jiray masjidka, una faaruqi jiray cibaadada Rabi subxaanahu Watacaalaa, ictikaafkuna waa qofka oo u gaar noqda daacada Rabi, isagoo rajaynaya ajarka iyo abaal marinta Rabi.

Sidaa awgeed qofka muuminka ah mar walba cumrigiisa dhabta ah waa geeridiisa kadib, waxaana habboon inuu ka faa’iidaysto fursad walba oo soo marta intuu adduunka ku nool yahay, waxaa laga rabaa qofka muslimka inuu 10-ka dambe ee Ramadaan u dedaalo, kana dheeraado adduunyada iyo hadalkeeda, ilaa waxii baahi iyo daruuri ah mooyee, sida inuu la hadlo ehelkiisa, ama waxii masuuliyadiisa hoos yimaada ka hadalkeeda, waxii intaa ka baxsan , waxay qofka dib ugu celinayaan adduunyada uu kasoo dhex baxay, waxaana ka lumaya ujeedadii ictikaafka masjidka, oo ah inuu u gaar yeelo wakhtigiisa cibaadada iyo camalka saalixa ah ee 10-ka dambe Nebigu samayn jiray.

Ugu dambeyn waxaan naftayda iyo naftiinaba kula dardaarmayaa, in fursadaas laga faa’iidaysto, oo haddii 20-ka hore ee Ramadaan wax badan aanad ka qabsan, inaad 10-ka dambe ku faro adaygto, oo aad badiso, acmaasha saalixa ah, sida Qur’aan akhriska, salaadaha, sadaqada, dikriga, iyo waxii la mid ah. Allaah subxaanahu watacaala ha ina waafajiyo kheyrka bisha Ramadaan iyo habeenka qiimaha badan eek u jira 10-ka dambe.

DAAWO XIISAD KULUL:- Maxaa kala qabsaday labadaan Sheekh ee Soomaalida ugu caansan?

Baryahan Waxaa magaalada Hargeysa ee Somaliland ku sugnaa Shiikh Cabdulxaq oo dadka ka daweeya sixirka, isha iyo jinka, imaanshiyihiisu waxa ay salka ku haysey dabiibida dadka xanuunadaa la il daran, balse waxa aad uga soo horjeestey Culimada ku nool Hargeysa oo ay qaar ku tilmaameen in uu jinka la shaqaysto.

  Culimada ka soo hor jeesatey waxaa ka mid ah Sheekh Aadan Siiro.

Halkaan Ka daawo Muuqalka video-ga 

Xilliga Afurka Qofka Maxaa Wanaagsan Inuu Ku Afuro Iyo Ducada La Akhristo Wakhtiga Afurka.

AFURKA RUUXA SOOMAN.

Wakhtiga Afurka: Haddii Ruuxa Sooman uu Hubsado in Wakhtigii Afurka la gaaray waxaa Waajib ku ah inuu Afuro, haddaba Ruuxa Sooman waxa uu ku Afuraayo waxaa ugu Fadli Badan Timir,

Sida Sunada ahna Waxaa ugu yar Saddex Xabo, Haddii Timir la waayo Xoogaa Biyo ah.

Haddaba Nabigeena CSW, Kama Sugnaanin waxaan Labadaas ka aheyn ee Cunay ama Cabay Salaada Maqrib ka Hor, Markuu Tukadana wuxuu Doono ayuu Cuni jiray.

DUCADA LA AQRISTO MAARKA LA AFURAAYO:

Axaadiista ku soo Aroortay Ducada la Aqristo Marka la Afurayo waxaa ugu Saxiixsan Ducadaan:-

( ذهـب الظمـأ وابتلـت العـروق وثبت الأجـر إن شاء الله ),

waxaana Wanaagsan Ducadaan iyo waxii kale ee uu Rabbi Weydiisanayo Adduunyadiisa iyo Aaqiradiisa inuu ku Ducaysto.

======================================

(ILAAHOOW SOONKA KHEERKIISA NA SII)
W.Q:- Macoow Ustaad.

Akhriso Oo Ka Faa’ideyso Acmaasha Ugu Kheerka Badan In La Sameeyo Bisha Ramadaan Gudaheeda..

Walaalayaal waxaan isku Dayeynaa Insha Allaah inaan wax ka Tilmaanno Acmaasha Wanaagsan ee Haboon inuu ku Dadaalo Qofka Muslimka ah Sameynteeda Maalmaha iyo Habeenada Bisha Ramadaan ee Barakaysan Anagoo Allaah Weydiisanayna inuu noogu Kaalmeeyo Acmaashaas Gudashadeeda, waxaana ka mid ah Acmaashaas, Qodobadan hoos ku qoran:-

1- In la Soomo.

2- In la Istaago Habeenka Salaad.

3- In Sadaqo la Bixiyo.

4- In Quraanka la Akhriyo.

5- In la Fariisto Masjidka ilaa Qoraxdu ka soo Baxeyso.

6- In lagu Nagaado Masjidka.

7- In la Cumraysto Ramadaanka.

8- In lagu Dadaalo Raadinta Habeenka Barakaysan ee Leylatul Qadarka.

9- Inla Badiyo Xusidda Alle.

10- In la Xiriiriyo Qaraabada.

QODOBKA 1AAD – IN LA SOOMO.

Rasuulka CSW, wuxuu yiri:- Dhamaan Camalka Bini’aadamka isagaa leh Halkii Wanaagba Toban Laabkiis ilaa 700 jeer loo Laalaabo Ajarkiisa, ilaahayse wuxuu leeyahay waa inta aan ka aheyn Soonka waayo Soonka Aniga ayaa ka Abaal Marinaaya wuxuu ka tagay waxey Naftiisa jecleyd oo dhan Cuntadiisii iyo Cabitaankiisiiba,

Daraadeey ayuuna uga tagay, Qofka Soomaa wuxuu Farxaa Laba jeer mid waa markuu Afuraayo midna waa markuu ilaahay la Kulmaayo Qiyaamaha, Qofka sooman Afkiisa Urta ka soo Baxeyso wuxuu ka Udgoon badan yahay ilaahay Agtiisa Carafta Miskiga. (waxaa wariyay:- Bukhaari iyo Muslim).

La Soco Qeybaha Danbe Maalinta Berri ah Haduu ALLE idmo

Su’aal: Maxaa keeni karo caano yarida hooyada?

Hooyooyin badan ayaa aaminsan in caanaha naasahooda in ay ku yaryihiin ilmahooda, sababtane waxay tahay iyagoo aaminsan waxyaabo qaldan oo ay ku ogaadaan in caanaha ay yaryihiin ama ay badan yihiin.

Tusaale ahaan, hooyooyinka qaar ayaa waxaa calaamad u ah in hadduu cunuggu dilqaynin in naasahooda caanaha ku yaryihiin.

Hooyooyinka qaar ayaa aaminsan in haddii naasaha aysan caano ka keeni karin markii cunugga afkiisa ka bixiso ay caano la’aan tahay.

Qaar baa aamisan haddii naasaha culees aysan ka dareemin in caanaha ay ku yaryihiin.

Intaasba waa qalad in wax looga qiyaas qaato.

Ilaahay wuxuu ugu talagalay hooyo kasta in cunuggeeda caano ku filan in uu naaska u galiyay, midda kale ma ahan macnaheeda in caanaha ay meesha ku jiraan markuu cunugga nuugane ay faaruqaayaan oo in ay soo buuxsamaan in loo sugo ay tahay.

Haddii hooyadu ay caafimaad qabto, badanaa naasaheeda way ku jiraan caano ku filan cunuggeeda, way dhici kartaa haweenka qaar in ay caanaha naasahood ku yaryihiin waxaana lagu ogaan karaa in weli ay arkayaan in cunugga uu baahan yahay ama ay dareemayaan muddo badan oo isku xigxigta in cunugga uu u baahan yahay in naaska la jaqsiiyo.

Kuwaas waxaa u keeni karo caana yarida waxyaabahaan soo socdo:
1- In hooyada naasaheeda ay yaryihiin oo aysan lahayn unugyada caanaha sameeya oo ku filan.
2- In hooyada ay qabto dhibaatooyin xagga hormoonnada sida in sonkor qabto oo kale ama ay qabto xanuunka thyroid-ka, dhiig-kar ama fiix ay ku leedahay ugxan sidaha oo soo deynayo hormoono.
3- In hooyada hadda kah or qalliin looga sameeyay naasaha.
4- In hooyada ay qaadato kaniini uur ka hortag.
5- In hooyada ay qaadato daawooyin yarayn kara caanaha naaska ama geedo daaweed.
5- In hooyada aysan garanaynin qaabka iyo sida cunugga loo jaqsiiyo naaska ama iyada qaab fadhiisadka uu ka qaldan yahay ama cillad abuuris xagga feerah ay qabto. (maxaa yeelay naasaha waxay sameeyaan caano intii uu u baahan yahay ama uu ka nuugo cunugga)
6- In hooyada aysan habeenkii cunugga nuujin (habeenkii oo aan la nuujin cunugga waxay keensanaysaa in soo saarka caanaha naasaha ay yaraadaan)
7- In hooyada ay cunugga ku bilawday wax aan caanaha naasaha ahayn maalmaha ugu hooreeyaba oo cunugga inta uu naaska ka cabayo ay yartahay sdiaasne soo saarka caanah ay ku yaraadeen.

Waxaa habboon oo hooyooyinka in lagula taliya ah in inta aysan go’aan gaarin in caanaha naasaha ay ku yaryihiin in la ogaado haddii ay jirto cillad yaraysay oo la xallin karo.
Waxaad kaloo ogaataa, caana yarida kuma xirna in hooayda ay cayilan tahay ama caato ay tahay.

Waxaan jeclaan lahaa hooyooyinka ku dagdaga in ilmahodoa ay caano xoolo ama caano warshad kula carara iyagoo naas nuujin kara in ay akhristaan faaidada ku jirta naas nuujinta: f

Facebook Auto Publish Powered By : XYZScripts.com