Home » Ila tali

Ila tali

U Gaar Dumarka: 4-taan Qodob Sameey ,Gacaliyahaaga Indhihiisa Haweeney Kale Ma Soo Qabanayaan

Haween badan ayaa is weydiiya sid aay raggooda ugu yeelan lahaayeen kuwo aan laheyn indho iyaga ay ku arkaan mooyee , Alcarabiya ayaa hadaba ku siineysa talo gaaban oo aadan ninkaada kaga yeelan karto mid maqsuud kugu ah

1- Jooji Warbixinta Maalin Laha Ah: Marka uu guriga uu yimaado durba haku furin sheekada xaalka waxii guriga ka dhacay maalintaas gaar ahaan intii uu maqnaa oo haka hor geyn dood iyo calaal

2- Jooji Daba Galka : Haka badin fariimo qoraaleedka iyo wicitaanka ee aad ku dooneyso in aad ku ogaato xaalkiisa inta uu guriga uu ka maqan yahay

Ogoow ragga qaarkood waa dhibsadaan arintaas , ( fariimo qoraaleed haddii ay tahayna haka bad badin oo asbuucii 3 jeer kaliya u dir)

3:Yareey Ganuunaca : haween badan ayaa u arka arintaas mid ay kaga heli karaan ragga wax walibna oo ay doonayaan ,been ayaa lagu sheegay ayay Alcarabiya ku leedahay ee gabaryaheey yareey ganuunaca oo ku qanac waxa ay awooddiisa tahay

4- Hana noqon qof dalab badan tanina ragga badan ayaa ka qaada madax xanuun

VIDEO:Rag & Dumar:Matahay Qof Gaaban Talo Muhiim ah oo aad ku dheeraan kartid

Barnaamijkaan waxa aynu ku soo bandhigaynaa qaabka aad ku kordhin karto dhererkaaga, inkastoo hidde raaca dherarka iyo joogaba 80% labada waalid uu qofka bini’aadamka ah ka yimaado.

Hase ahaatee, haddii ay jiraan cuduro ama waxyaabo kale oo dherarka qofka hoos u dhigo looga badbaadi karo tallaabooyinkaan warbixintaan ka hadleyso, iyado cunooyin kuu sahlaaya inaad dherarkaada kordhiso.

Waa maxay sababta asalka u ah Rajo-dhigida?

Alla maxaan aduunyo qanac la’aan ka jirto ku noolnahay! Qofna kuma qanacsana waxa uu heysto dunidan. qof kasta waxaa ku jira jamasho wuxuusan heysan. Maxay sidaa u tahay? Sababtoo ah waxaan jecelnahay is bar-bar dhigid & ku dayasho.

Dadka qaar baa cadeynaya jirkooda si madabkoodu u noqdo Cadaan. Dad badan oo cadaana waxay rabaan inay helaan midab madow bunni ah. Kuwaa u dhimanaya inay dhuubtaan si ay ugu ekaadaan kuwa model-ka ah, qaar kalaa jecel in miisaan u kordho oo buurtaan. Dad badan ma garanayaan waxa ay sameynayaan keliya waxay arkeen cid kale oo sameynaysa.

 Dhalin badan ayaa timahooda madow neceb oo midabeeya halka waayeel badan ay madoobeyaan. Qaar baa u dhimanaya inay shaqo helaan halka kuwa kale ay karaahiyeysteen shaqadooda. Kuwaa dhib kasta u mara inay lacag helaan, kuwa kale ayaa wax ay ku qabtaan waaya markay lacagta heleen kuna ciyaara. Dad badan baa u murugooda inay dhoofaan marki ay tagaan halki ay rabeena ku duceysta yaa mar uun ku celiya.

Is bar-bar dhigid & ku dayasho waa cudur. Miyaysan ahayn waqtigi aan joojin lahayn arrintaa, kuna farxi lahayn sida aan nahay & waxa aan heysano.

Ogow, si kastoo aad si adag u shaqeyso ama u dedaasho waxaa jira dad kaa hanti badan, dad kaa qurux badan, waxaa jira dad kaa liita, dad kaa dhibaato badan.

Ha is bar-bar dhigin cidna. Naftaada ha bar-bar dhigin naf kale. Mushaharkaaga mid kale. Caruurtaada caruur kale. Gurigaaga guri kale. Gaarigaaga gaari kale. Mobile-kaaga mid kale. Jooji ku dayashada. Bilow Nolol. Waxaa hubaal ah inaad habkan ku noqoneysid qofka ugu farxada badan. Had & jeer xusuuso! Waxa ugu adag aduunka waa inaad isku daydo inaad noqoto qof kale oo aadan ahayn.

I aamin! Waxa ugu fudud aduunka aad sameyn karto waa inaad qofkaa tahay ahaatid. Faraxsanow kuna noolow noloshaada dhabta ah. Waxaa jira sabab uu Alle SWT kaaga dhigay sida aad tahay, kuu siiyay waxa aad heysato.

Xusuusnow: Is bar-bar dhigida waxay waxyeelaysaa xiriirka kaala dhexeeya naftaada, kan dadka kale & tan ugu muhiimsan xiriirka Alle. Waxay kaa dhigtaa mid aan ku mahad-celin nimcada Alle kugu maneystay.
Ahow qofka aad tahay. Ku qanacsanow waxa aad heysato.

W/Q: Farah Cawaash Beeldaaje

Xagee baad ku kala qorataa Xumaanta iyo Wanaaga? Ka Faa’ideyso………

Xagee baad ku kala qorataa Xumaanta iyo Wanaaga?

Laba nin oo saaxiibo ayaa ku socdaalay saxaraha, maadaama cadceedu aad u kululayd, haraad badana uu hayay waxay bilaabeen inay murmaan. Doodi ayaa ka xumaatay, mid ka mid ah ayaa dharbaaxay kii kale.

Kii la dharbaaxay ayaa aad uga xumaaday kana carooday xumaanta saaxiibkii sameeyay laakiin wuxuu go’aansaday inuusan aargoosi sameyn wuxuuna ciida ku qoray, “Maanta saaxiibkay ayaa wejiga iga dharbaaxay”

Socodkii ayay sii wateen ilaa ay ka gaareen meel biyo fadhiyaan (Balli) ninki la dharbaaxay ayaa biyihi ku booday si uu ugu qubeysto balse dhoobada oo jilicsaneyd darteed wuxuu bilaabay inuu quuso oo uu soo bixi waayo, saaxiibkii ayaa ka soo badbaadiyay oo banaanka keenay. Wuxuu dhagax ku dul qoray, “Maanta saaxiibkay ayaa nafteyda badbaadiyay”.

Ninki kale oo yaaban ayaa weydiiyay, markaan ku dharbaaxay ciida ayaad wax ku qortay, markaan ku badbaadiyay dhagax ayaad wax ku qortay. Maxaad ka waday?

Ninki ayaa ku jawaabay, “Goortii saaxiib na waxyeeleeyo ama na xumeeyo waa inaan ku qornaa ciida si dabeylaha ay u tirtiraan, marki saaxiib uu wanaag noo sameeyana waa inaan ku qornaa dhagax si uu weligii halkaa uga muuqdo.”

Nasiib darro, dad badan waxay xusuustaan oo keliya xumaanta oo meel adag ku qortaan, halka ay wanaaga qof u sameeyo si fudud ku hilmaamaan.

Halka aad ku qorato xumaanta laguu geysto iyo wanaaga laguu sameeyo waxay saameyn weyn ku yeelanaysaa naftaada iyo noloshaada. Haddaba, Baro in waxyeelo kasta oo ku soo gaarta, dhib kasta oo ku soo marta, cadow kasta oo aad yeelato aad ku qorto Ciida si dabeylaha u tir-tiraan, si fududna aad ku hilmaanto una cafiso, Sidoo kale wax kasta oo wanaag ah, Abaal cid kuu gashay, noloshaada qof is-bedel u horseeday ku qoro meel adag, Qalbigaaga, halkaasoo dabeyl kasta aysan tiri karin, si fududna aadan ku hilmaamayn.

Mahadsanidiin dhamaan Asxaabta sharafta badan

La Wadaag Asxaabtaada ama ku mention-garee qof aad meel adag ku qorato wanaagooda

UGAAR AH DUMARKA:Ooridii Auunka ugu Wanaagsaneed”Xaaskii Aayaha Nolosha”

Shalay markii uu shaqada ka yimid, aad ayuu u daallanaa. Sidoo kale, shantii maalmood ee ka horreysayna, maalin walba isagoo sidaas u daallan ayuu guriga imanayay. Xalay daalkii hayay iyo jewigii uu guriga ugu yimid oo la isku daray awgii, hurdo aad u fiican ayuu seexday.

Marwadiisu saaka aroornimadii ayay toostay, isagu se illaa xilli danbe oo barqadii ah wuu hurdaa. Marwadu markii ay kacdayba, waxay hore u gashay hawl maalinle ah oo saacadahaa inta badan u bilaabanta. Waxa hurdadii ka soo kacay laba carruur ah oo ay lammaanuhu dhaleen. Waa wiil iyo gabadh. Isla markii ay carruurtu soo tooseen, ayay marwadu albaabka qolka uu saygeedu hurday soo celisay. Carruurtii ayay gacanteeda ugu fool-dhacday, ugu cadayday dhar qurux badanna ugu gelisay. Iyada iyo labadeedii carruur ahaa, qolka fadhiga ayay galeen. Waxyar kaddib, quraac ay goor hore ugu sii diyaarisay ayay siisay. Isagu (ninkii), weli wuu hurdaa. Weliba, hurdadu way u macaan tahay. Dhawr jeer ayay marwadu iyadoo shanqadh-tiranaysa qolka hurdada soo gashay. Kolba waxay yara qooraansanaysay, bal in uu saygeedu soo toosay.

Kolkolna, inta ay ku dhowaato ayay hubsanaysay in uu bed-qab ku hurdo! Marka ay neeftiisa oo aan khuuro ahayne hurdo fiican ah dhugato, ayay dib uga laabanaysay. Marka la eego sida ay jabaqda uga ilaalinayso, waxa la moodaa in ay ku caawinayso in uu sii hurdo. Wax uu jiifo oo degganaan iyo qalo la’aan u gama’sanaadaba, goor danbe ayuu kacay. Hareeraha ayuu eegay, wuxuu arkay in marwadiisii ay dhinaciisa ka maqan tahay. Saacadda ayuu eegay, waa barqo dheer, qiyaastii tobankii subaxnimo iyo wax la jira. Wuu soo sara fadhiistay dhegahana raariciyay bal in uu maqlo shanqadha xaaskiisa iyo labadiisa carruur ah. Waxyar dabadeed, wuxuu maqlay ooridii iyo labadii carruur ahaa oo qolka fadhiga sawaxankooda oo ciyaar farxadeed lagu ladhay ka baxayo. Wuu sara kacay oo u dhaqaaqay dhanka suuliga amma musqusha. Qacdiiba, indhihiisu waxa ay qabteen biyo diirran, tuwaal/shukumaan, saabuuntii cadayga iyo cadar is dhinac yaalla oo si gaar ah loo sii diyaariyay. Intuu aad u farxay ayuu bilaabay is dhaq’dhaqid iyo cadayasho.

Qolkii hurdada ayuu ku laabtay. Kabadhka in uu maryo kala soo baxo ayuu u holladay, intaanu furin ayuu se arkay dhar miiska yar ee sariirta ku xiga loogu sii diyaariyay. Intuu aad markale u farxay, ayuu hawl yaraan ku dhacay maryihii. Mararkii ay ooridiisu u soo gal galaysay, weliba markii ay ku soo dhowaanaysay ee ay hubinaysay in uu bed qabo, wuu dareensanaa oo la socday, hayeeshee in uu tooso diyaar uma ahayn! Wuu tallaabsaday oo u dhaqaaqay dhankii qolka xaaskiisa iyo carruurtiisu ku jireen. Albaabka ayuu si tartiib ah u riixay. Judhiiba, inantiisii curad ayaa aragtay. “Aabboo” intay si farxad leh u tidhi ayay xaggiisa u soo orodday. Isla ilbidhiqsigiiba, wiilkiisii yaraana waa ku soo orday.

Hab ayuu siiyay labadiisii carruur ahaa. Isha ayuu sii laliyay, dabadeedna wuxuu arkay marwadiisii oo dhar aad u qurux badan ku lebbisan, weji farxad leh iyo niyad-samaanina ka muuqato. Intaanu hadlin ayay kelmedo naxariis leh ku salaantay, isagoon weli soo dhaqaaqinna intay kacday dhanka jikada oo qolka ka soo horjeedda u tallaabsatay.

Daqiiqad badhkeed wax ka yar, ayay soo laabatay iyadoo sidda anfaco quraac ah oo sameynteeda ay wakhti gaar ah gelisay. Miiska ayay saartay. Shaah, biyo, cabbitaan kale iyo suufkii faraha la iskaga tirayayna way ag dhigtay. Dedaalkaa kooban, haddana qiimaha sarreeya, dhaqsaha iyo sida ay iskaga xil-saarayso ayuu dhugtay. Isagoo taagan, welina aan u soo tallaabsan dhankii miiska, ayuu xasuusta dib u yara celiyay. Wuxuu maankiisa ka daawaday, markii uu hurday sidii ay jabaqda iyo qaylada carruurtaba uga dhawraysay, sidii ay u hubinaysay in uu bed qabo ee ay khuuradiisa dhegta ugu soo dhoweynaysay, goortay kacday ee ay wax walba u sii diyaarisay, carruurta iyo nafteedaba sida ay u bishay ee u sii qurxisay iyo waliba farxadda ay ku qaabbishay markuu soo kacay.

Markale ayuu xasuusta sii dhex maaxay; wuxuu yaqiinsaday, maalin walba goorta uu guriga ka baxayo sida hagar la’aanta ah ee ay uga hawl-gasho cuntadiisa, lebbiskiisa iyo wixii agab uu u baahan yahay in uu goobta shaqada u sii qaato. Isla jeerkii ayuu si qiiro leh u xasuustay, illaa maalintii ay guri wada yeesheen marwadiisu siday ugu heellanayd, ugu qanacsanayd isaga mar walba iyo dedaalkaa saaka u muuqdaa sida uu u yahay mid maalin leh oo ooridiisu u yeellan tahay. Xasuusahan inta uu dhex muquuranayaa kama badna ilbidhiqsiyo, marka la miisaamo se ka culculus buuraha Golis.

Isagoo ay ka muuqato shucuur iyo qiiro gooni ah, ayuu si maskaxda ku durugsan u jalleecay ooridiisa. Wejigeeda muxubbo iyo riyaaq ayaa ka muuqda, waa ay taagan tahay, faraqeeda waxa haysta wiilkeedii yaraa, dhankiisa ayay soo eegaysaa, waxaanad mooddaa mawjadda u daaran saygeeda in ay daalacanayso.

Midkoodna ma hadlayo way se is dhawrayaan! Dareenkiisa guduhu isagoo ka soo xoog badanaya, indhihiisuna ay ilmo soo godlanayaan, ayuu haddana xasuustay; maalmo badan oo hore u soo maray, una aawanaa sida maanta oo kale, markuu quraacday, lebbistay isna cadriyay in uu bannaanka iskaga baxay oo asxaabtiisa gaarka ah wakhti la soo qaatay. Maalin kasta oo uu sidaas yeelay, marwadiisu ma dhibsan, kama hadlin kamana ay xumaane raalli ayay kaga ahayd. Maantadan lafteeda, waxa u qorshaysan in uu baxo oo asxaabtiisa la kulmo. Badhaadhaha, wanaagga tiro-dhaafay iyo galladaha uu ku qabo ooridiisa ayaa wax walba kala weynaaday. Inta uu is hayn kari waayay, ilmadii naxariistu keentayna ragax ka soo tidhi, ayuu si daacad ah is-xakamayn la’aanna ah u yidhi: xaaskayga qaaliga aheey, xabiibi waan ku jecelahay! Marwadii, inta ay muusootay, muraaqootay, maankeeduna garawsho u siiyay kaalinta ay ninkeeda iyo qoyskeedaba ugu jirto in uu u ogyahay, xiddigaha dushoodana farxadi geysay ayay xaggiisa u dhaqaaqday.

Waxa ay ku tidhi….. FG: waa curis sheekadu, waxa se hubaal ah, qoysaskeenna qaar badan in noloshoodu sidaa u dhisan tahay.

MAXAY TAHAY Aabaha Shayga Ugu Wanaagsan Ee Uu Usameyn Karo Caafimaadka Carruurtiisa..?

Cilmibaadhis lagu sameeyey dalka Maraykanka ayaa daahfurtay in aabayaasha ka qayb qaata korniinka ubadkooda, ay sabab u noqdaan in caafimaadka ubadku wanaagsanaado iyo in ubadkaasi aanay noqon kuwo miisaankoodu uu ka naaxsanaado inta caafimaad ahaan saxda ah.

Cilmibaadhayaashu waxa ay sheegeen in xaddiga aabuhu uu ka qaybqaato hawlaha la xidhiidha korniinka iyo daryeelka ubadka yaryar, sida cunto u diyaarintooda, la ciyaaristooda iyo in uu guriga ka saaro marar, iyo sida oo kale in uu saamayn ku yeesho cuntadooda iyo caafimaadkooda inta ay da’doodu u dhexeyso Laba illaa Afar sano in uu kaalin ku yeesho noloshooda mustaqbalka.

Daraasaddu waxa ay iftiimisay in carruurta ay aabayaashooda waqti badan kula qaataan ciyaarta, dalxiis geynta iyo guri ka saarista marka ay da’doodu afar sano gaadho ay ku yaraato khatarta ah in ay noqdaan dadka miisaankoodu u kordho si ka badan inta caafimaad ahaan saxda ah, marka la barbardhigo ubadka aan fursaddaas ka helin aabayaashooda inta ay da’doodu u dhexeyso Laba illaa afar sano. Waxa ay daraasaddu sheegtay in hawl kasta oo uu aabuhu geliyo ilmaha, sida in uu ka caawiyo dhar xidhashada, maydhashada jidhka, cadayashada iyo xitaa hurdada ay raadkaas fiican ku yeelato caafimaadkooda.

Philip Morgan oo ah cilmibaadhe ka tirsan jaamacadda New Cassle ee dalka Ustareeliya ayaa mar uu natiijada daraasaddan ka hadlay waxa uu yidhi, “Marka uu aabuhu carruurtiisa u kaxeeyo guriga bannaankiisa, si ay u soo ciyaaraan waxa ay inta badan soo helaan faa’idooyin kale oo ay ka mid tahay in habdhaqanka iyo anshaxa bulsho dhexgalka bartaan, tusaale ahaan sida loo sheekaysto ee la isu dhegeysto sida loo fadhiisto iwm. Taas oo aad uga duwan marka ilmaha lagu daayo guriga gudihiisa ee uu talefishanka uun daawado, cuntadana cuno sida in badan dhacda”

VIDEO:Madooneysaa in aad Kordhiso oo aad Dhisto Awooda Maskaxdaada(DAAWO MUUQAALKAN)

Weligaa ma la yaabtay faraqa u dhexeeyo maskaxdaada iyo maskaxda maroodiga? Maskaxda maroodiga cabbirkeedu waxa uu saddex jibaar ka wayn yahay maskaxda bani-aadamka haddana bani-aadamku waxay si aad uga caqli badan yihiin maroodiga.

Hadaba su’aashu waxay ay tahay sababma ayay bani-aadamku uga caqli badan yihiin maroodiga inkastoo maskaxdoodu aad uga yartahay tan maroodiga? Jawaabtu waxay tahay xidhiidhka ay leeyihiin unugyada maskaxda bani-aadamku waxay aad uga badan yihiin tan maroodiga.

RAGGOW Sidaan ula Dhaqma Xaasaskiina Ee ah Xillahaaga Xalaasha !! ?

Ragga qaarkii ayaa u haysta in ka qoslinta iyo farxad gilinta haweenkooda tahay arin adag ama mustaxiil ah ee ninyahoow ogoow arimo yar ayaa farxadda haweeneyda kor u qaadaya, waa muhiim in aad tijaabiso liiskaas waana hubaal in aan dareemi doontid is bedel .

1- Marka ay dood idin dhexeyso oo aad dareento in wajigeeda wel wel soo saarmay ninyahoow ha iska taagnaan u dhawaaw oo madaxa ka dhunko.

2- Marka aad banaanka u wada baxeysaan oo aad dareento in is diyaarinta dhibka ku tahay oo ay ku daahday adiga u diyaari labiskeeda .

3- Mar waliba oo aad fursad u hesho waxaad u keentaa hadiyad , munaasabad iyo bilaa munaasabad .

4- Marka ay seexanayso adna xoogaa aad ka dambeyneyso fariin qoraaleed ugu sii dir telka adiga oo u rajeynaya in ay nabad ku soo toosto .

5- Marka ay shaqada guriga ku mashquulsan tahay , u soo deg deg oo caawi taasina waxa ay muujineysa in aad uga mahad celineysid dadaalka ay bixineyso .

6- Marka aad u baxdaan kulan qoyskeeda ama kaaga ah oo ay kaaga mashquusho la sheekeysiga dhanka kale kaga yaabi SMS gaaban oo aad ugu sheegeyso in aad weysan tahay , kuna dheh daqiiqadaha aad iga sii jeeday waxa ay iila mid tahay sanad.

7- U Muuji in aad ku faraxsan tahay maxaa yeelay waxa ay kuu doortay nin .

8- Maalin maalin kaga yaabi in aad quraacda adiga diyaarisid , markaa aad u keeneysidna haka tagin dhoola cadeynta loo baahan yahay .

9-Haddii aad ku qasbanaanto in aad shaqada aado iyada oo hurdeysa u soo dir markaa aad shaqada gaarto SMS aad ku leedahay subax wanaagsan waan ku xiisay .

9- Ku dheh waad qurxoon tahay xitaa haddii aysan xerneyn dhar qurxoon , ogoow uma baahnid munaasabad gaar ah oo aad ku tiraahdo waad qurxoon tahay.

10- Haddii ay murageysan tahay gacmaha ka qabo una sheeg in arinta wanaag ku dhamaaneyso kullamaa aad wada joogtaan .

11- Haddii aad asxaabtiin aad la joogtaan ama qoyskaada aa keeda Allshukaansi.com waxa ay ku leedahay haka laba labeyn in aad u sheegto tilmaamaheeda wanaagsan ama fal wanagsan oo qalbigeeda giliyay jaceylkeeda oo aadan waligaa iloobi doonin.

12- Haddii ay dhacdo in goobta shaqada ku soo daahdo maalintaas u soo dir fariin kuna dheh wan ku xumahy maxaa yeelay kulama joogi , waxaan rajeynayaa in daqiiqadaha soo socda kula joogo , waa i dhibeysaa maqnaashaahada .

13- Haddi ay dhacdo in ay ooyso si wacan u fiiri ka dib ku dheh waad qurxoon tahay markaa aad ooyneyso , balse waxaad ka sii qurux badan tahay marka aad doola cadeyneyso .

Fanaan Caan ah oo Bisha Ramadaan Darteed Isaga Baxay Fankii & Fariin uu diray (Magaciisa)

Fannaanka caanka ah ee Axmed C/kariin Maxamd (Axmed Biif) ayaa ku dhawaaqay inuu gebi ahaan ka baxay Fanka, Fannaanka hore oo Cumro u jooga Xaramka barakeysay ayaa farriin uu soo diray ku sheegay inuu gebi ahaan ka baxay fanka isagoo dembi dhaaf Alle weydiisay, isla markaanna ballantan aanu ka bixi doonin.

 “Asc dhamaan Asxaabta iyo ehelkaba aad baan idiin salamaya salaan kadib waxa la galay tobankii ramadanta ugu khayrka badna waxa kujira hal habeen oo ka khayr badan 83 sanadood walalayaal si ilaahay habeenka inoo waafajiyo laylatul qadriga aynu is cafino dhamaan ummadda muslimiinta agtayda cafis baad ka tihiin idinkuna ilaahay dartii isoo cafiya ii nasoo duceeya aniguna ka daalimaayo ducadiina maadaama aan joogo meeshii aduunka ugu khayrka badnayd EE HARAMKA MAKA ALMUKARAMA.. Waxaan kaloo idiin cadeynayaaa inaan fankii gabi ahaanba ka baxay .balan cadna aan alle lagaley inuuu danbigayga dhaafo iina naxatiisto hadii aan kabixi jirey balan aan bani adam lagaley walalayaal balantan ALLE ayaan lagaley cafis baan weydiisayaa rabbigey iyo janno cidina igama xigto yaa raxiim yaa raxmaan yaa qafuur aaamiin aamiiin Aamiiin”

Facebook Auto Publish Powered By : XYZScripts.com